लखनऊ :उत्तर प्रदेशचे माजी मुख्यमंत्री व समाजवादी पक्षाचे संस्थापक मुलायमसिंह यादव यांचं आज निधन झालं. ते ८२ वर्षांचे होते. गुरुग्राम येथील मेदांता रुग्णालयात गेल्या अनेक दिवसांपासून त्यांच्यावर उपचार सुरू होते. ते व्हेंटिलेटरवर होते. मात्र अखेर आज सकाळी ८.१६ मिनिटांनी त्यांची प्राणज्योत मालवली.
मुलायमसिंह यांचे चिरंजीव व माजी मुख्यमंत्री अखिलेश सिंह यादव यांनी समाजवादी पक्षाच्या ट्वीटरवरून या संदर्भातील माहिती दिली आहे. ‘माझे आदरणीय वडील आणि सर्वांचे लाडके नेताजी आपल्याला सोडून गेले आहेत, असं ट्वीट अखिलेश यांनी केलं आहे.
मुलायम सिंह यादव यांचा जन्म 22 नोव्हेंबर 1939 रोजी इटावा जिल्ह्यातील सैफई गावात मूर्ति देवी आणि साखर सिंह यादव यांच्या शेतकरी कुटुंबात झाला. पाच भावंडांपैकी मुलायम सिंह हे रतन सिंह हे दूसरे अपत्य होते. राजकारणात येण्यापूर्वी ते यांना आग्रा विद्यापीठातून राज्यशास्त्रात पदव्युत्तर पदवी (एमए) आणि बीटी केल्यानंतर इंटर कॉलेजमध्ये प्राध्यापक म्हणून काम करत होते.
मुलायम सिंह 1989 ते 1991, 1993 ते 1995 आणि 2003 ते 2007 या तीन अल्प कालावधीसाठी उत्तर प्रदेशचे मुख्यमंत्री होते. ते सध्या आझमगड मतदारसंघाचे खासदार आहेत. 1996-1998 पर्यंत त्यांनी भारताचे संरक्षण मंत्री म्हणून काम केले.
1974-2007 दरम्यान सात वेळा ते उत्तर प्रदेशचे आमदार म्हणून निवडून आले. मुलायम सिंह यांनी 1992 मध्ये त्यांनी स्थापन केलेल्या समाजवादी पक्षाचे नेतृत्व करण्याचा निर्णय घेईपर्यंत त्यांनी विविध राजकीय पक्षांशी युती केली. त्यांच्या नेतृत्वाखाली पक्षाने अनेक वेळा विजय मिळवला. सध्या ते सहाव्यांदा लोकसभेचे खासदार म्हणून काम पाहत होते. माजी मुख्यमंत्री अखिलेश यादव यांचे ते वडील होत.