कर्नाटक विधानसभा निवडणुकांचे बिगुल वाजले असून 10 मे रोजी निवडणूक होणार आहे. 13 मे रोजी निकाल जाहीर होणार असल्याचे . मुख्य निवडणूक आयुक्त राजीव कुमार यांनी बुधवारी पत्रकार परिषदेत सांगितले. एकाच टप्प्यात मतदान होणार आहे. कर्नाटकात 5.21 कोटी मतदार आहेत. जे 224 विधानसभा जागांवर मतदान करणार आहेत. 9.17 लाख मतदार पहिल्यांदाच मतदान करणार आहेत.
राजीव कुमार म्हणाले की, आम्ही यापूर्वी एक प्रक्रिया सुरू केली होती. याअंतर्गत 1 एप्रिल रोजी ज्यांचे वय 18 वर्षे पूर्ण होईल, त्यांनाही मतदान करता येणार आहे. त्यासाठी आम्ही आगाऊ अर्ज मागवले होते. यावेळीही मुख्य लढत भाजप, काँग्रेस आणि जेडीएसमध्ये होणार आहे. मागच्या वेळी जेडीएस – काँग्रेस एकत्र होते. मात्र यावेळी जेडीएस स्वतंत्र लढणार आहे. कर्नाटकातील विद्यमान भाजप सरकारचा कार्यकाळ 24 मे रोजी संपणार आहे. आगामी विधानसभा निवडणुकीसाठी भाजपने 150 जागांचे लक्ष्य ठेवले आहे. पंतप्रधान नरेंद्र मोदी यांनी 3 महिन्यांत 7 वेळा कर्नाटकचा दौरा केला आहे. वेळा राज्याचे मुख्यमंत्री राहिलेले 79 वर्षीय येडियुरप्पा यांना प्रचार समितीचे प्रमुख बनवले जाऊ शकते.