विधानसभेनंतर संसदेतील शिवसेना गटाचे कार्यालय शिंदे गटाला देण्यात आलं आहे. लोकसभा सचिवालयाच्या उपसचिवांकडून अधिकृत पत्र जारी करण्यात आले आहे. त्यामुळे लोकसभेतले हे कार्यालय आता पूर्णपणे शिंदे गटाकडे जाणार आहे. लोकसभेच्या उपसचिव सुनंदा चॅटर्जी यांनी राहुल शेवाळेंना माहिती दिली. त्यामुळे शिवसेना गटाचे कार्यालय हे शिंदे गटाकडे आहे.निवडणूक आयोगाने पक्ष चिन्ह आणि पक्षाचे नाव हे एकनाथ शिंदेंना दिलेले होते. त्यामुळे ती सध्या खरी शिवसेना आहे असे मानले जाते.
पक्ष आणि चिन्ह मिळाल्यानंतर आता शिंदे गट टप्प्याटप्प्याने राज्यतील शिवसेनेच्या शाखा ताब्यात घेऊ शकते. याचा प्रयत्नही दापोली व नेरुळमध्ये करण्यात आला. यावेळी शिंदे गट व ठाकरे गटात राडा झाल्याचे पाहायला मिळाले. यामुळे येत्या काही दिवसांत दोन्ही गटात संघर्ष अधिक तीव्र होण्याचा अंदाज वर्तविण्यात येत आहे.