विशेष प्रतिनिधी
मुंबई : मुख्यमंत्री देवेंद्र फडणवीस यांच्या नेतृत्वाखाली महाराष्ट्राने आणखी एक विक्रम केला आहे. 2024-25 आर्थिक वर्षाच्या पहिल्या 9 महिन्यात एकूण 1,39,434 कोटी रुपये इतकी परकीय गुंतवणूक प्राप्त केली आहे. गेल्या 10 वर्षांतील सर्वोच्च वार्षिक विक्रम गाठला आहे. (Maharashtra tops the list under the leadership of Chief Minister Devendra Fadnavis, record foreign investment in nine months; highest record in 10 years)
ऑक्टोबर २०१९ पासून डिसेंबर २०२४ पर्यंत महाराष्ट्रात सुमारे ₹६.७२ लाख कोटी थेट परकीय गुंतवणूक ( FDI) झाली आहे, ज्यात सेवा, आयटी (IT), ऑटोमोबाईल, रिअल इस्टेट आणि नवीकरणीय ऊर्जा क्षेत्र प्रमुख आहे.
मुख्यमंत्री देवेंद्र फडणवीस दावोस येथील जागतिक आर्थिक परिषदेत (वर्ल्ड इकॉनॉमिक फोरम) सहभागी झाले होते. त्यामध्ये तब्बल १५ लाख ७० हजार कोटी रुपये गुंतवणुकीसाठी विक्रमी सामंजस्य करार झाले होते. त्यातील ९८ टक्के गुंतवणूक ही विदेशी असल्याचे मुख्यमंत्री देवेंद्र फडणवीस यांनी सांगितले होते. यातून १५ लाख ९५ हजार रोजगार निर्मितीची अपेक्षाही आहे.
उद्योगधंद्यांसाठी पायाभूत सुविधा, कर्मचाऱ्यांचे कौशल्यवर्धन आणि व्यवसायासाठी सोपी प्रक्रिया यामुळे परदेशी गुंतवणूकदारांमध्ये विश्वास निर्माण झाला आहे. अजून एक तिमाही शिल्लक आहे. मुख्यमंत्री देवेंद्र फडणवीस यांच्या नेतृत्वाखाली २०२४-२५ हे वर्ष महाराष्ट्राच्या आर्थिक इतिहासात सुवर्णाक्षरात नोंदवले जाणार आहे.
महाराष्ट्र FDI मध्ये अव्वल:
२०२४-२५ (एप्रिल-डिसेंबर): ₹१.३९ लाख कोटी (USD १६,६५१ दशलक्ष)
२०२३-२४ (संपूर्ण वर्ष): ₹१.२५ लाख कोटी
२०२२-२३ (संपूर्ण वर्ष): ₹१.१८ लाख कोटी
एकूण (ऑक्टोबर २०१९ ते डिसेंबर २०२४): ₹६,७१,८६३ कोटी (देशातील एकूण FDI च्या ३१%),
इतर राज्यांची तुलना:
१. कर्नाटक: २०२४-२५ – ₹३७,६४७ कोटी ( २०%).
२.गुजरात: ₹४६,६८७ कोटी (१६%).
३. दिल्ली: ₹३७,३३६ कोटी (१३%).
४. तमिळनाडू: ₹२४,३७४ कोटी (५%).