सिक्कीममध्ये एक मोठा रस्ता अपघात झाला आहे. या वेदनादायक रस्ते अपघातात लष्कराचे 16 जवान शहीद झाले आहेत. लष्कराच्या अधिकाऱ्याने दिलेल्या माहितीनुसार, उत्तर सिक्कीममधील गेमा येथे ही घटना घडली. अपघातग्रस्त वाहन तीन वाहनांच्या ताफ्याचा एक भाग होता, जे सकाळी चटनहून थंगूच्या दिशेने निघाले होते.
चुंगथांग उपविभागीय पोलीस अधिकारी (SDPO) अरुण थाटल यांनी सांगितले की २० लोकांसह लष्कराचे वाहन सीमा चौक्यांकडे जात होते. जेमा येथे पोहोचल्यावर एका वळणावर कार रस्त्यापासून दूर गेली आणि शेकडो फूट खाली दरीत कोसळली.अपघातस्थळावरून सर्व १6 लष्करी जवानांचे मृतदेह बाहेर काढण्यात आले आहेत. लाचेनच्या पोलिस पथकासह घटनास्थळी असलेले थाटल म्हणाले की, चार गंभीर जखमी जवानांची प्रकृती अज्ञात आहे. मृतदेह पोस्टमॉर्टमसाठी गंगटोक येथील सरकारी एसटीएनएम रुग्णालयात नेण्यात आले आहेत.
या दुर्घटनेत तीन कनिष्ठ अधिकारी आणि १३ जवान हुतात्मा झाल्याचे भारतीय लष्कराने म्हटले आहे. या प्रसंगी भारतीय लष्कर शोकाकुल कुटुंबियांच्या पाठीशी उभे आहे. तसेच या दुर्घटनेबद्दल शोक व्यक्त करताना संरक्षण मंत्री राजनाथ सिंह यांनी ट्विट केले की, ‘उत्तर सिक्कीममध्ये झालेल्या एका रस्ते अपघातात भारतीय लष्कराच्या जवानांना झालेल्या प्राणहानीमुळे खूप दुःख झाले आहे.जे जखमी झाले आहेत ते लवकरात लवकर बरे व्हावेत ही प्रार्थना.’ असे राजनाथ सिंह यांनी ट्विट केले आहे.